Øyvind Kleppe - sponsorstipend

Eg vil gjerne gi ein stor takk til Tysnes Kraftlag for sponsorstipendet eg har fått tildelt. 

Eg heiter Øyvind Kleppe, og er fødd og oppvaksen på Tysnes. I Juni fullførte eg ein fira årig lang bachelorgrad i klassisk song ved Universitetet i Stavanger, under professor Elizabeth Norberg-Schulz. Det har vore fira innhaldsrike år fylt med spennande prosjekt, dyktige medstudentar og arbeid med inspirerande, erfarne og dyktige musikalske rettleiarar. I det tredje året av bacheloren min var eg på utveksling i Italia. Her fekk eg leva rundt Italienske tradisjonar, kultur og språk. Eg fekk også arbeida med songpedagog og framleis utøvande bass/bassbariton Andrea Concetti. Det var veldig stas! 

I det komande året skal eg fortsetja å arbeida mot ein karriere som utøvande internasjonal operasongar. Eg har flytta til Oslo, og tar private songtimer med songpedagog Matthew Mark Marriott og Elizabeth Norberg-Szhulz. Målet for året er å fortsettja å utvikla min scenepersonlighet, byggja opp teknisk tryggheit og perfeksjonera repertoar som eg vil presentera på autditions til masterstudier på operahøgskular i London, Scotland og KhiO i Oslo. Nålauga er tynt for å koma inn, og det krevjar at eg tar kontinuerlege songtimar og fortsetter å utvikla meg. Det blir eit spennande år, med mykje potensial for kunstnerisk utvikling og erfaring. Det er, og blir eit kostbart år der eg deltar på ulike mesterklassar, og tar ukentlege songtimar med mine songpedagogar. Det blir i tillegg ein del utgifter i reise til auditions og diverse.

Eg draumar og arbeidar for å bli ein internasjonal operasongar, og ser for meg ei framtid på scenar som for eksempel Teatro alla Scala i Milano og The Metropolitan i New York. For å klare dette krevjer det blandt anna hardt arbeid, mykje tid, pågangsmot, god støtte frå song- og musikalske rettleiarar og økonomiske midlar. Eg er utruleg takksam for at Tysnes Kraftlag vil hjelpa meg på veg mot draumen min med økonomiske midler. Det gjer det økonomiske presset for betaling av songundervisning mykje lettare. Eg er godt i gong med mesterklassar og private songtimar, og ser fram til det komande året.

Tusen hjartleg takk for støtta!

Mvh

Øyvind Kleppe