Call Us +1-555-555-555

Mandelhuset Eigendom - Arbeid med reguleringsarbeid

Patrick Russell Madsen • February 9, 2025

Sluttrapport – Støtte til planarbeid for hotellutvikling

Innleiing

Mandelhuset Eigedom AS søkte i februar 2024 om støtte til planarbeid knytt til etablering av eit hotell i Våge. Me fekk tilsagn på kr 75 000,- frå Tysnes Kraftlag, noko me set stor pris på. Denne rapporten skildrar framdrifta i prosjektet, utført arbeid, kostnadsoversikt og stadfestar at reguleringsplanen no er sendt til Tysnes kommune for vidare handsaming.

Utført arbeid

Gjennom det siste året har me arbeidd med detaljregulering av området der Mandelhuset driv restaurant i dag. Målet har vore å leggje til rette for hotellutvikling som kan styrkje reiselivstilbodet i kommunen og sikre fleire arbeidsplassar.

Arbeidet har omfatta:

• Utarbeiding av planinitiativ og gjennomføring av oppstartsmøte med Tysnes kommune.

• Samarbeid med arkitekt og fagkonsulentar for å utarbeide reguleringsplanen.

• Involvering av Byggadministrasjon Harald Bjørndal AS og Grung Arkitektur AS for teknisk og arkitektonisk rådgjeving.

• Innsending av reguleringsplan til Tysnes kommune for vidare sakshandsaming.

Reguleringsarbeidet har vore ein nødvendig prosess for å sikre ei forsvarleg og føreseieleg utbygging av eit framtidig hotell. Planen inneheld reguleringsføresegner og kartgrunnlag som legg til rette for utbygginga.


Kostnadsoversikt

Under følgjer ei oversikt over faktiske kostnader i samband med reguleringsarbeidet:


• Byggadministrasjon Harald Bjørndal AS

o 2024: Kr 263 582,- eks. mva (Kr 329 477,50 inkl. mva)

o 2025: Kr 27 500,- eks. mva (Kr 34 375,- inkl. mva)


• Grung Arkitektur AS

o 2024: Kr 61 200,- eks. mva (Kr 76 500,- inkl. mva)

o 2025: Kr 3 400,- eks. mva (Kr 4 250,- inkl. mva)


• KYSTARBEID AS

o 2024: Kr 68 306,25 eks. mva (samla beløp)


Total kostnad for reguleringsarbeidet: Kr 424 988,25 eks. mva (Kr 518 609,25 inkl. mva)


Denne delen av prosjektet er no fullført og innsendt til kommunen. Videre blir det å venta til høyringsrundane er ferdig og vonleg starta på arbeidet rundt finansiering.


Takk til Tysnes Kraftlag


Me ønskjer å rette ei stor takk til Tysnes Kraftlag for støtta på kr 75 000,-. Bidraget har vore med på å sikre gjennomføringa av dette viktige planarbeidet. Dette er eit prosjekt som vonleg vil ha stor verdi for Tysnes, både gjennom auka næringsaktivitet, nye arbeidsplassar og eit styrka reiselivstilbod.


Me ser no fram til vidare sakshandsaming i kommunen og håpar at dette kan legge grunnlaget for realisering av hotellet i framtida.


Med venleg helsing, Patrick Madsen Dagleg leiar, Mandelhuset Eigedom AS

Reksteren Idrettslag - Støtte til treningsmateriell

By Jorunn Vonheim Grahl • February 20, 2025
RIL er veldig takknemlig for støtten. Rastebord er kommet på plass, basketballplate med kurv er montert. Matter og baller er allerede i bruk til småbarnstrim og trim for voksne formiddag og ettermiddag.

Tysnes Sportsskyttarklubb - laging av voll og reparasjon på conteiner

By John Arvid Kleppe • February 18, 2025
Laging av voll mellom standplass og skiver. Reparasjon og oppdatering av kontainer. Prosjektet er ferdigstilt.

Lunde Bygdalag - Innkjøp av A-3 fargeprinter og Soundboks

By Øystein Flakke • February 9, 2025
Sluttrapport på innkjøp av Soundboks og A-3 fargeprinter Lunde bygdalag har med støtte frå kraftlaget, kjøpt inn soundbox nr 2 til bruk i bygda. Spesielt i 17.mai feiringa med kortesje gjennom bygda, blir det no flott korpsmusikk gjennom 2 stk soundboksar. Våre 2 soundboksar er og til utlån lokalt. Me har og kjøpt inn ein A-3 fargeprinter og har foliemaskin til denne. Då kan me laga fine plakatar til nødvendig informasjon ut i bygda. Eit viktig hjelpemiddel for god kommunikasjon ut. Mvh For Lunde bygdalag Øystein Flakke Leiar.

Njardar/Tysnes - Regy-cup 2023

By Torstein Fjeldet Lunde • February 9, 2025
Njardar/Tysnes G15 reiste til Haugesund fredag ettermiddag i kulturbussane, og heimatt søndag. 17 Tysnes ungdomar var med oss og dette er ein veldig grei gjeng å reisa på tur med. Alle går godt overeins med alle, og dei oppfører seg eksemplarisk. Laget tok seg til kvartfinale i a-sluttspelet, der det vart 1-2 tap for Åsane. Alt i alt ei flott helg der slike opplevingar trur eg er med og fyller opp «minnebanken» til gutane frå oppveksten deira på Tysnes – i håp om at dei ein dag, når dei har blitt nokre år eldre, tenkjer tilbake på desse opplevingane og at dei sjølve kan tenkja seg å busetja seg på Tysnes i framtida! Tusen takk for støtta!

Njardar/Tysnes - Dana Cup 2024

By Torstein Fjeldet Lunde • February 8, 2025
21.07.24 - 27.07.24 reiste Njardar/Tysnes til Dana Cup representert ved Gutar 15 og Jenter 17. Totalt 30 spelarar i alderen 14 - 17 år var med og bidrog til at Njardar/Tysnes stillte i Dana Cup. Laga vart innlosjert i leiligheter i Blokhus med kostnad kr 5350 pr spelar og me er svært takksame for den økonomiske støtta Tysnes Kraftlag bidrar med til at me kunne reisa. Begge lag speler 11ar fotball og gjorde det svært godt til å vera ein så liten breiddeklubb som me er. Jentene tok seg vidare til 8-dels finale i A-sluttspelet, medan gutane kom til kvartfinale i B-sluttspelet. I tillegg til det sportslege, er ein slik tur viktig for samhaldet blant ungdomane våre. Spelarane budde i eigne leiligheiter, der dei sjølve måtte ta ansvar for kvarandre, lage mat, handle inn mat, fordele utgifter og halde orden. Dette gav eit enno betre samhald og denne sosiale delen er god identitetsskaping for dei unge tysnesingane.  Klubben vonar og har tru på at denne veka i Danmark har gitt dei eit minne for livet, slik at når fleire snart skal flytte på seg for utdanning og jobb, vil hugse opplevinga som Njardar/Tysnes har gitt dei og at dei i framtida har lyst å flytte tilbake til Tysnes. I tillegg til spelarar og leiarar, var det mange tilreisande tysnesingar som hadde tatt turen til Dana Cup for å heia. Om lag 80 tysnesingar var på det meste samla på cupen.

Njardar/Tysnes - Øystese-cup

By Torstein Fjeldet Lunde • February 8, 2025
Hei, her kjem ei lita oppdatering frå Øystese cup. Me var totalt 38 spelarar og 9 vaksne som reiste innover helga 7.- 9. juni. Dette er ein flott overnattings-cup å reisa på for unge spelarar. Den er ikkje så stor, og alt ligg tilrettelagt i Øystese sentrum. Kort veg til banar og andre aktivitetar. Veldig god stemning både på og utanfor banen. Laga heia på kvarandre under kampane. Det var og mange som fekk seg nye bekjentskap frå andre lag. Alt i alt ei topp helg!

Skihyttelaget Ådnastegen - Materiell og kost til dugnad på Ådnastegen

By Celine Lunde Rød • February 4, 2025
15-17.mars 2024 hadde Skihyttelagetdugnad for å opna landskapet og rydda i skog som var til fare for bydningar på Ådnastegen. På 60-talet vart det planta rikelig med gran som skulle halda støle med ved, dette var no vokst seg stort og enkelte granar var til fare for dyr og folk som ferdast i området. Denne helga samla me ca 15 stk til dugnad, og det vart det hogge mange granar, kløyvd store mengder ved, som vart lagt i småsekker. Me fekk brent ein del greiner, som gjorde til at me fekk opna landskapet opp. Noko av granen vart nytta til å laga sitjegrupper i terrenget, desse kom godt med under familiedagar me har arrangert ila året. Me har hatt det riktig så triveleg tross lange arbeidsdagar. Prosjeket pågjekk utover sommaren. Tusen takk for støtta.

Onarheim Idrettslag - Innkjøp av grus til veg fram til skiløype

By Stein Olav Skaten • February 4, 2025
Idrettslaget grusa opp veien inn til lysløypa for å kunne lage skiløyper med mindre mengder snø. 3 lass er levert ferdig utkjørt på veien, 2 lass er lagt på ei lomme langs veien til etterfylling der det vert behov

Opdal Ungdomslag - Transportabelt lydanlegg i Grendatun

By Henrik Aakre • January 28, 2025
No har OUL fått i hus lydanlegget. Det består av ein Soundbox4 som har batteritid på ca 40 timer på middels styrke og kan slik nyttast utan tilgang på straum. Soundbox4 kan strøyme musikk eller lyd frå PC / telefon med god kvalitet med hjelp av blåtannteknologi. Dekker lagets behov i toget ved 17-maifeiringa og andre utandørs arrangement. Det har også ein funksjon innandørs ved møter og konferansar. Her er Sondbox4 kopla opp med mikrofon til ein talarstol

Njardar/Tysnes G8/9 - Feiring av sesongavslutning

By Solfrid Burkeland Smith • January 28, 2025
Måndag 13. november hadde Njardar/ Tysnes G8/9 sesongavslutning med pizza og utdeling av pokalar på Kompasset i Uggdal. 14 gutar og to trenarar deltok. I tillegg var nokre foreldre og søsken også med oss på Kompasset.  Alle gutane var nøgde med pizza og brus, samt pokal med eige namn på. Til neste år var det ønskje om pokal som var «ekte» (her er nok ein del som ser opp til store internasjonale fotballstjerner)! Foreldre/ søsken som deltok betalte for seg sjølv.
Les meir
Share by: