Tysnes teaterlag - Teateroppsetninga Lausnissen

Stykket var eit stort løft for Tysnes Teaterlag. 20 skodespelarar; 13 born og 7 vaksne, i alderen frå 7 til 71 år har vore med. I tillegg deltok seks medlemmer frå Tysnes Husflidslag på kostyme, to teaterlagsmedlemmer stod for sminke, to lagde kulisser og fire frivillige tok del i dekorering av kulissene.

Lyd og lys var levert, også denne gangen, av Fusa Lyd & Lys. Dei gjer ein framifrå jobb, men lyd og lys utgjer den største kostnaden for laget.

Til denne oppsetjinga hadde Tysnes Teaterlag fått med seg ein ungdom som var «lærling» hos Fusa Lyd & Lys. Han var med på alt, frå opprigging til styring av lyd og lys under førestillinga. Tanken bak dette er å få engasjert ungdom til å lære seg dette faget, slik at dei på sikt blir ein ressurs for Tysnes Teaterlag.

Øvingane tok til i slutten av august, med ei øving i veka på Tysnes skule. Fyrste øving i hallen, på scene, var ei drøy veke før premieren.

Alle me som var med, er strålande nøgde med oppsetjinga, og tilbakemeldingane frå publikum viser at dette vart ein stor suksess.

Me selde i overkant av 400 billettar til dei to framsyningane, til ein samla sum på kr 79.350 kroner. Budsjetterte utgifter var på ca kr. 317.000. Med andre ord hadde me ikkje vore i stand til å gjennomføre dette prosjektet utan stønaden frå dykk. Me er svært takksame for at de støtta oppsetjinga av Lausnissen.

No ser me framover mot nye prosjekt som kan engasjere unge og vaksne tysnesingar, både som aktørar, medhjelparar og tilskodarar. Tysnes Teaterlag ynskjer å vera ein positiv bidragsytar til kulturlivet på Tysnes.

Nok en gong – tusen hjarteleg takk for støtta til Tysnes Teaterlag og oppsetjinga av Lausnissen