Ta kontakt
post@tysneskraftlag.no
Båtlaget Njord/Tysnes - Kjøp og oppgraderingar
Einar Aslaksen • June 27, 2023
Båtlaget har kjøpt 2 dugande brukte oselvarar, «Olaien» (bygd i 2022) og «Stolmaren»(bygd i 2003). Det er tung symbolikk i at Harald Dalland (vår eigen båtbyggjar) har bygd begge båtane. Framforhandla/pruta prisar er kr. 65.000 for kjøp av kvar båt. Lars Grøteide og Jan Vee i samråd med Bernhard Gjerstad og Svein Økland har gjort eit framifrå arbeid med framskaffing av desse to brukte båtane i marknaden. Båtane vert seilteknisk vurdert å ha særs gode eigenskapar.
For å få båtane oppgradert til topp stand er:
- Nye seil kjøpt inn til begge båtane
- Det er laga nye spilebommar utført av Bernhard Gjerstad
- Det er laga nytt ror til Olaien utført av Berhard Gjerstad inkl. kjøp av materiell til ror og beslag og spilebommar
- Hatt klargjeringskostnader : klargjering og vask av båtane, pussing, vask, støvsuging og lakking, kjøping av utstyr: blokker, cleat, tauverk, sjakler, popnagler, tikkeblokker, strekkfisker, blokker for storseilskjøte og bomnedhal, borrer og skjerfilblad for beslagarbeid, skruer, laging av 4 båtkrakkar, spilebombeslag på mast, beslag til ristopper, rigging, tilpassing og montering av utstyr, påsetjing av seilnummer, laging av spriløkker, sikre rorpinne og montering av skinner for fokkeskjøte
- Det er utført 179 timar dugnad der følgjande medlemer/personar har delteke: Anders Bakke, Arild Gjerstad, Berhard Gjerstad, Bjarte Sandtorv, Erlend Hatteberg, Gunnar Spjeld, Jan Vee, John Martin Lunde, Svein Økland, Tor Inge Malkenes og Øyvind Epland
Båtane vert tekne i bruk ved Grunnkurs i oselvarsigling, 06. – 08. juni og første regatta for båtane vert Sommarregattaen i regi av båtlaget 10. – 11. juni.
Båtlaget Njord/Tysnes er særs takksame for at Tysnes Kraftlag A/S har gjeve stønad med 50 % av kostnadene til kjøp, oppgraderingar og dugnadstimar.
RIL er veldig takknemlig for støtten. Rastebord er kommet på plass, basketballplate med kurv er montert. Matter og baller er allerede i bruk til småbarnstrim og trim for voksne formiddag og ettermiddag.
Laging av voll mellom standplass og skiver. Reparasjon og oppdatering av kontainer. Prosjektet er ferdigstilt.
Sluttrapport – Støtte til planarbeid for hotellutvikling
Sluttrapport på innkjøp av Soundboks og A-3 fargeprinter Lunde bygdalag har med støtte frå kraftlaget, kjøpt inn soundbox nr 2 til bruk i bygda. Spesielt i 17.mai feiringa med kortesje gjennom bygda, blir det no flott korpsmusikk gjennom 2 stk soundboksar. Våre 2 soundboksar er og til utlån lokalt. Me har og kjøpt inn ein A-3 fargeprinter og har foliemaskin til denne. Då kan me laga fine plakatar til nødvendig informasjon ut i bygda. Eit viktig hjelpemiddel for god kommunikasjon ut. Mvh For Lunde bygdalag Øystein Flakke Leiar.
Njardar/Tysnes G15 reiste til Haugesund fredag ettermiddag i kulturbussane, og heimatt søndag. 17 Tysnes ungdomar var med oss og dette er ein veldig grei gjeng å reisa på tur med. Alle går godt overeins med alle, og dei oppfører seg eksemplarisk. Laget tok seg til kvartfinale i a-sluttspelet, der det vart 1-2 tap for Åsane. Alt i alt ei flott helg der slike opplevingar trur eg er med og fyller opp «minnebanken» til gutane frå oppveksten deira på Tysnes – i håp om at dei ein dag, når dei har blitt nokre år eldre, tenkjer tilbake på desse opplevingane og at dei sjølve kan tenkja seg å busetja seg på Tysnes i framtida! Tusen takk for støtta!
21.07.24 - 27.07.24 reiste Njardar/Tysnes til Dana Cup representert ved Gutar 15 og Jenter 17. Totalt 30 spelarar i alderen 14 - 17 år var med og bidrog til at Njardar/Tysnes stillte i Dana Cup. Laga vart innlosjert i leiligheter i Blokhus med kostnad kr 5350 pr spelar og me er svært takksame for den økonomiske støtta Tysnes Kraftlag bidrar med til at me kunne reisa. Begge lag speler 11ar fotball og gjorde det svært godt til å vera ein så liten breiddeklubb som me er. Jentene tok seg vidare til 8-dels finale i A-sluttspelet, medan gutane kom til kvartfinale i B-sluttspelet. I tillegg til det sportslege, er ein slik tur viktig for samhaldet blant ungdomane våre. Spelarane budde i eigne leiligheiter, der dei sjølve måtte ta ansvar for kvarandre, lage mat, handle inn mat, fordele utgifter og halde orden. Dette gav eit enno betre samhald og denne sosiale delen er god identitetsskaping for dei unge tysnesingane. Klubben vonar og har tru på at denne veka i Danmark har gitt dei eit minne for livet, slik at når fleire snart skal flytte på seg for utdanning og jobb, vil hugse opplevinga som Njardar/Tysnes har gitt dei og at dei i framtida har lyst å flytte tilbake til Tysnes. I tillegg til spelarar og leiarar, var det mange tilreisande tysnesingar som hadde tatt turen til Dana Cup for å heia. Om lag 80 tysnesingar var på det meste samla på cupen.
Hei, her kjem ei lita oppdatering frå Øystese cup. Me var totalt 38 spelarar og 9 vaksne som reiste innover helga 7.- 9. juni. Dette er ein flott overnattings-cup å reisa på for unge spelarar. Den er ikkje så stor, og alt ligg tilrettelagt i Øystese sentrum. Kort veg til banar og andre aktivitetar. Veldig god stemning både på og utanfor banen. Laga heia på kvarandre under kampane. Det var og mange som fekk seg nye bekjentskap frå andre lag. Alt i alt ei topp helg!
15-17.mars 2024 hadde Skihyttelagetdugnad for å opna landskapet og rydda i skog som var til fare for bydningar på Ådnastegen. På 60-talet vart det planta rikelig med gran som skulle halda støle med ved, dette var no vokst seg stort og enkelte granar var til fare for dyr og folk som ferdast i området. Denne helga samla me ca 15 stk til dugnad, og det vart det hogge mange granar, kløyvd store mengder ved, som vart lagt i småsekker. Me fekk brent ein del greiner, som gjorde til at me fekk opna landskapet opp. Noko av granen vart nytta til å laga sitjegrupper i terrenget, desse kom godt med under familiedagar me har arrangert ila året. Me har hatt det riktig så triveleg tross lange arbeidsdagar. Prosjeket pågjekk utover sommaren. Tusen takk for støtta.
Idrettslaget grusa opp veien inn til lysløypa for å kunne lage skiløyper med mindre mengder snø. 3 lass er levert ferdig utkjørt på veien, 2 lass er lagt på ei lomme langs veien til etterfylling der det vert behov
No har OUL fått i hus lydanlegget. Det består av ein Soundbox4 som har batteritid på ca 40 timer på middels styrke og kan slik nyttast utan tilgang på straum. Soundbox4 kan strøyme musikk eller lyd frå PC / telefon med god kvalitet med hjelp av blåtannteknologi. Dekker lagets behov i toget ved 17-maifeiringa og andre utandørs arrangement. Det har også ein funksjon innandørs ved møter og konferansar. Her er Sondbox4 kopla opp med mikrofon til ein talarstol
– Krafttak for Tysnes
Teiglandsvegen 7, 5680 Tysnes
post@tysneskraftlag.no
Nettsida er produsert av BLIKK Design AS