Ta kontakt
post@tysneskraftlag.no
NY ELEKTRONIKK 100m BANE – TYSNES SKYTTARLAG
Rolf J. Lunde • July 14, 2020
Ettersom tidlegare elektronikk var moden for utskifting valgte Tysnes Skyttarlag å gå i gang med eit prosjekt for oppgradering av dette anlegget. Prosjektet starta opp med bestilling av nye skiver og nye monitorar (6 stk), der levering av utstyr vart gjort i april 2020. Leverandøren Megalink hadde i sitt tilbod gjeve opsjon på intstallasjon, estimert til kr. 60.000. Etter samtaler med Megalink valgte me å gjere installasjonen sjølv, og dermed redusere kostnaden vesentleg. Det viste seg at dette var stort sett greitt å få til, og samla timeomfang vart beskjedne 20 timar.
I budsjettet var det også satt opp ny PC med tilbehør. Etter ei samla vurdering valgte me ikkje å kjøpe denne. Dette har samanheng med at det ikkje er nødvendig med PC for å gjennomføre jegerskyting. Jegerskyting har fyrste prioritet i dette prosjektet, og me vil i staden nytte ein låne-PC dersom det skulle bli aktuelt å gjennomføre eit DFS-stemne i større regi.
I tillegg har me oppgradert standplass med ei matte (sjå bilete til venstre). Dette har vore etterspurt blant skyttarane våre, og gjev langt større komfort enn det harde underlaget som har vore nytta tidlegare. På 100m bana er det installert 6 nye monitorar med fargeskjerm.
Monitorane kan programmerast ut i frå kva for behov skyttarane har. Normalt har me 4 ordinære «blinkar» og 2 med hjort til oppskyting. Men i år har Miljødirektoratet vedteke at jegarar som jakta i fjor ikkje treng ny oppskyting i år, difor har me så langt satt opp kun 1 hjorteskive.
Skivene på 100m ser slik ut :
Som nevnt ovanfor er det i år satt opp kun 1 hjort. I skivene er det installert elektronikk som registrerer kvar skyttaren treff. I det nye anlegget kan me stole fullt på denne registreringa, mens det i det forrige systemet innimellom gav feilt utslag. Under arbeidet med å installere skivene vart det også avdekka eit behov for noko meir sand i vollen, dette vart difor bestilt og levert lokalt av Runes Maskin.
Anlegget vart ferdigstilt og testa i siste del av mai 2020. Pga. korona situasjonen starta jegerskytinga ikkje opp før 22.mai. Me ser at deltakinga ber preg av at jegarane formelt ikkje treng gå på skytebanen i år, men anlegget har i alle fall fungert 100% slik det skal !
Me vil til sist rette ei stor takk til Tysnes Kraftlag AS for støtta til prosjektet !
For styret i Tysnes Skyttarlag, Rolf J. Lunde / kasserar og leiar jegerutvalet
RIL er veldig takknemlig for støtten. Rastebord er kommet på plass, basketballplate med kurv er montert. Matter og baller er allerede i bruk til småbarnstrim og trim for voksne formiddag og ettermiddag.
Laging av voll mellom standplass og skiver. Reparasjon og oppdatering av kontainer. Prosjektet er ferdigstilt.
Sluttrapport – Støtte til planarbeid for hotellutvikling
Sluttrapport på innkjøp av Soundboks og A-3 fargeprinter Lunde bygdalag har med støtte frå kraftlaget, kjøpt inn soundbox nr 2 til bruk i bygda. Spesielt i 17.mai feiringa med kortesje gjennom bygda, blir det no flott korpsmusikk gjennom 2 stk soundboksar. Våre 2 soundboksar er og til utlån lokalt. Me har og kjøpt inn ein A-3 fargeprinter og har foliemaskin til denne. Då kan me laga fine plakatar til nødvendig informasjon ut i bygda. Eit viktig hjelpemiddel for god kommunikasjon ut. Mvh For Lunde bygdalag Øystein Flakke Leiar.
Njardar/Tysnes G15 reiste til Haugesund fredag ettermiddag i kulturbussane, og heimatt søndag. 17 Tysnes ungdomar var med oss og dette er ein veldig grei gjeng å reisa på tur med. Alle går godt overeins med alle, og dei oppfører seg eksemplarisk. Laget tok seg til kvartfinale i a-sluttspelet, der det vart 1-2 tap for Åsane. Alt i alt ei flott helg der slike opplevingar trur eg er med og fyller opp «minnebanken» til gutane frå oppveksten deira på Tysnes – i håp om at dei ein dag, når dei har blitt nokre år eldre, tenkjer tilbake på desse opplevingane og at dei sjølve kan tenkja seg å busetja seg på Tysnes i framtida! Tusen takk for støtta!
21.07.24 - 27.07.24 reiste Njardar/Tysnes til Dana Cup representert ved Gutar 15 og Jenter 17. Totalt 30 spelarar i alderen 14 - 17 år var med og bidrog til at Njardar/Tysnes stillte i Dana Cup. Laga vart innlosjert i leiligheter i Blokhus med kostnad kr 5350 pr spelar og me er svært takksame for den økonomiske støtta Tysnes Kraftlag bidrar med til at me kunne reisa. Begge lag speler 11ar fotball og gjorde det svært godt til å vera ein så liten breiddeklubb som me er. Jentene tok seg vidare til 8-dels finale i A-sluttspelet, medan gutane kom til kvartfinale i B-sluttspelet. I tillegg til det sportslege, er ein slik tur viktig for samhaldet blant ungdomane våre. Spelarane budde i eigne leiligheiter, der dei sjølve måtte ta ansvar for kvarandre, lage mat, handle inn mat, fordele utgifter og halde orden. Dette gav eit enno betre samhald og denne sosiale delen er god identitetsskaping for dei unge tysnesingane. Klubben vonar og har tru på at denne veka i Danmark har gitt dei eit minne for livet, slik at når fleire snart skal flytte på seg for utdanning og jobb, vil hugse opplevinga som Njardar/Tysnes har gitt dei og at dei i framtida har lyst å flytte tilbake til Tysnes. I tillegg til spelarar og leiarar, var det mange tilreisande tysnesingar som hadde tatt turen til Dana Cup for å heia. Om lag 80 tysnesingar var på det meste samla på cupen.
Hei, her kjem ei lita oppdatering frå Øystese cup. Me var totalt 38 spelarar og 9 vaksne som reiste innover helga 7.- 9. juni. Dette er ein flott overnattings-cup å reisa på for unge spelarar. Den er ikkje så stor, og alt ligg tilrettelagt i Øystese sentrum. Kort veg til banar og andre aktivitetar. Veldig god stemning både på og utanfor banen. Laga heia på kvarandre under kampane. Det var og mange som fekk seg nye bekjentskap frå andre lag. Alt i alt ei topp helg!
15-17.mars 2024 hadde Skihyttelagetdugnad for å opna landskapet og rydda i skog som var til fare for bydningar på Ådnastegen. På 60-talet vart det planta rikelig med gran som skulle halda støle med ved, dette var no vokst seg stort og enkelte granar var til fare for dyr og folk som ferdast i området. Denne helga samla me ca 15 stk til dugnad, og det vart det hogge mange granar, kløyvd store mengder ved, som vart lagt i småsekker. Me fekk brent ein del greiner, som gjorde til at me fekk opna landskapet opp. Noko av granen vart nytta til å laga sitjegrupper i terrenget, desse kom godt med under familiedagar me har arrangert ila året. Me har hatt det riktig så triveleg tross lange arbeidsdagar. Prosjeket pågjekk utover sommaren. Tusen takk for støtta.
Idrettslaget grusa opp veien inn til lysløypa for å kunne lage skiløyper med mindre mengder snø. 3 lass er levert ferdig utkjørt på veien, 2 lass er lagt på ei lomme langs veien til etterfylling der det vert behov
No har OUL fått i hus lydanlegget. Det består av ein Soundbox4 som har batteritid på ca 40 timer på middels styrke og kan slik nyttast utan tilgang på straum. Soundbox4 kan strøyme musikk eller lyd frå PC / telefon med god kvalitet med hjelp av blåtannteknologi. Dekker lagets behov i toget ved 17-maifeiringa og andre utandørs arrangement. Det har også ein funksjon innandørs ved møter og konferansar. Her er Sondbox4 kopla opp med mikrofon til ein talarstol
– Krafttak for Tysnes
Teiglandsvegen 7, 5680 Tysnes
post@tysneskraftlag.no
Nettsida er produsert av BLIKK Design AS