Etablering av øvingslokale

TBA Limited Entertainment

OM PROSJEKTET
TBA limited entertainment (TBALE) er eit nylig etablert utøvarfellesskap som har som formål og skapa aktivitet og mangfald i kulturlivet i Tysnes kommune.

I følgje vedtektene skal dette formålet oppnås gjennom følgjande aktivitetar: 

• Arrangera konsertar i Tysnes kommune 
• Tilby gratis utlån, eller utleie til kostpris, av backline og lydutstyr som foreininga innehar til prosjekt der medlemmar av foreininga er involvert i eller til ikkje-kommersielle arrangement.
• Gjera tilgjengeleg ferdig utstyrt øvingslokale til foreiningas medlemmar

Tiltaket gjeld etablering av øvingslokale til foreiningas medlemmar. Det er inngått ein leigeavtale med Tysnes ungdomslag om leige av delar av 1. etasje i ungdomshuset "Vonheim". Lokalet skal få bygningsmessige oppgraderingar i form av lyddempande og akustiske tiltak, samt komplett utstyrt med øvingsutstyr av høg kvalitet. Ei viktig målsetting er å gjera det enkelt og terskelen låg for å gjennomføra øvingar og aktivitet knytt til dette.

Me meiner at ei realistisk målsetting er at etter to års drift vil øvingslokalet bli brukt av 5-6 band og foreninga som driftar det vil ha 30 medlemmar. Me vil jobba for å rekruttera medlemmar med eit breitt spenn i alder, og håpar me kan skapa eit givande miljø med utveksling av erfaringar og læring mellom band og medlemmar.

GJENNOMFØRING

Gjennomføringa av prosjektet har hovudsakeleg føregått etter oppsett prosjektplan. På tid hadde prosjektet mål om å ferdigstilla medio september i inneverande år. På milepæl for ferdigstilling var det høve til å ta rommet i bruk, men forseinkingar hos nokon av leverandørane gjorde at øvingsrommet ikkje var heilt ferdigstilt og komplett før utgongen av oktober.

Etter me hadde henta inn tilbod frå alle leverandørar vart det semje om å legge litt meir i dei bygningsmessige arbeida i rommet. Dette dreier seg i hovudsak om akustiske tiltak og arbeid på det elektriske anlegget. Dette var viktig for oss for skape det riktige fundamentet for å vidare utstyre rommet.

Dette førte vidare til ein liten avkorting på tilskotet frå Kulturrom sidan dei berre gjer tilskot til musikkutstyret i rommet. Samla sett har derfor prosjektet gått over budsjett. Dette er dekka med eigenkapital i foreininga, samt eit lite medlemsinnskot frå medlemmane.

Resultatet av prosjektet med etablering av øvingsrommet har stått til forventningane, og på fleire punkter også overgått dei. Med å dempe alle overflater er det mogleg å gjennomføre øvingar med eit mykje betre og sunnare lydnivå. Dette førar vidare til at det er enklare å høyre kvarandre, og det er mogleg å øva i lengre strekk før øyrer og hovudet treng pause.

At øvingsrommet no er komplett utstyrt senkar også terskelen for å gjennomføra øvingar både på eigen hand og med fult band. Saman med eit oppgradert el-anlegg blir det mindre tid på rigging og strekking av skøyteleidningar på kryss og tvers, og meir tid til øving. Musikkutstyret i rommet er av høg kvalitet og bør ikkje stå tilbake for gryande artistspirer eller erfarne musikarar.