Call Us +1-555-555-555

Båtlaget Njord/Tysnes - Sjøsportsveka

Einar Aslaksen • August 21, 2023

SLUTTRAPPORT SJØSPORTSVEKA 25.-30. JUNI 2023

Trass i litt grått einskilde dagar, var det perfekte forhold. Born og vaksne koste seg på fjorden. 30 born i alderen 8-14 år deltok.


Sjøsportsaktivitetane omfatta eit bredt spekter med teori og praksis: sjøvett, knuter og stikk, seglteori, båttilvenning og kolsigling, rigging av båtar, sigling med optimistjolle og Zoom 8 – jolle, rigging/sigling med oselvar (veldig populært), padling, bading/symjing/miljø og vannsport. Veka vart avslutta fredag med sjøsportsstafetten, grilling, vannsport, bading og premieutdeling.


Alt fyste dagen klarte 29 av 30 born å velta ei optimistjolle, snu jolla/få jolla på rett kjøl og koma seg opp i jolla igjen, dvs. trena på kolsigling. Fantastisk å sjå!


Barn som var usikre til å byrje med, meistra meir og meir i løpet av veka og vart tryggare på sjøen.


6 born klarte å sigle 3 i kvar oselvar åleine for fyste gong utan vaksne instruktørar om bord. Ein av borna skal sigle NM i oselvar spri som skal arrangerast på Tysnes i august.


Aktivitetane gjekk føre seg i lagshuset Njordstø, på Bjørnafjorden utanfor Njordstø og på sjøen ved båthamna på Gjerstad.


Veka var fullteikna og me hadde born på venteliste. Tilbodet kunne godt vore utvida til to veker med 30 born kvar veke.


Det var ingen eigenbetaling for deltakarne eller krav om medlemskap i fleiridrettslaget slik at ingen born skulle vera hindra i å delta grunna foreldra sin økonomi.


Tre ungdommar i alderen 14-18 år hadde sommarjobb, fekk verdfull arbeidstrening og arbeidde totalt 90 timar (30 timar kvar).


Det vart utført 180 timar i instruktøravløning fordelt på 9 instruktørar. Både instruktørar og ungdommar utførte dugnadstimar utover løna arbeid. Totalt vart det utført 203 dugnadstimar av 17 friviljuge.


Spar Tysnes sponsa oss med frukt kvar dag.


Veka vart gjennomført med tilskot frå Gjensidigestiftelsen og Tysnes Kraftlag AS. Tusen takk til dei. Utan desse tilskota kunne me ikkje gjennomføre veka med løna instruktørar og ungdommar, samt gratis deltaking.


Det gjekk over all forventning å rekruttere instruktørar, ungdommar og friviljuge dugnadsarbeidarar.

Det vart ei vellukka og kjekk sjøsportsveke.


Teigland, den 25. juli 2023

For Båtlaget Njord/Tysnes

Einar Aslaksen

Leiar

Reksteren Idrettslag - Støtte til treningsmateriell

By Jorunn Vonheim Grahl • February 20, 2025
RIL er veldig takknemlig for støtten. Rastebord er kommet på plass, basketballplate med kurv er montert. Matter og baller er allerede i bruk til småbarnstrim og trim for voksne formiddag og ettermiddag.

Tysnes Sportsskyttarklubb - laging av voll og reparasjon på conteiner

By John Arvid Kleppe • February 18, 2025
Laging av voll mellom standplass og skiver. Reparasjon og oppdatering av kontainer. Prosjektet er ferdigstilt.

Mandelhuset Eigendom - Arbeid med reguleringsarbeid

By Patrick Russell Madsen • February 9, 2025
Sluttrapport – Støtte til planarbeid for hotellutvikling

Lunde Bygdalag - Innkjøp av A-3 fargeprinter og Soundboks

By Øystein Flakke • February 9, 2025
Sluttrapport på innkjøp av Soundboks og A-3 fargeprinter Lunde bygdalag har med støtte frå kraftlaget, kjøpt inn soundbox nr 2 til bruk i bygda. Spesielt i 17.mai feiringa med kortesje gjennom bygda, blir det no flott korpsmusikk gjennom 2 stk soundboksar. Våre 2 soundboksar er og til utlån lokalt. Me har og kjøpt inn ein A-3 fargeprinter og har foliemaskin til denne. Då kan me laga fine plakatar til nødvendig informasjon ut i bygda. Eit viktig hjelpemiddel for god kommunikasjon ut. Mvh For Lunde bygdalag Øystein Flakke Leiar.

Njardar/Tysnes - Regy-cup 2023

By Torstein Fjeldet Lunde • February 9, 2025
Njardar/Tysnes G15 reiste til Haugesund fredag ettermiddag i kulturbussane, og heimatt søndag. 17 Tysnes ungdomar var med oss og dette er ein veldig grei gjeng å reisa på tur med. Alle går godt overeins med alle, og dei oppfører seg eksemplarisk. Laget tok seg til kvartfinale i a-sluttspelet, der det vart 1-2 tap for Åsane. Alt i alt ei flott helg der slike opplevingar trur eg er med og fyller opp «minnebanken» til gutane frå oppveksten deira på Tysnes – i håp om at dei ein dag, når dei har blitt nokre år eldre, tenkjer tilbake på desse opplevingane og at dei sjølve kan tenkja seg å busetja seg på Tysnes i framtida! Tusen takk for støtta!

Njardar/Tysnes - Dana Cup 2024

By Torstein Fjeldet Lunde • February 8, 2025
21.07.24 - 27.07.24 reiste Njardar/Tysnes til Dana Cup representert ved Gutar 15 og Jenter 17. Totalt 30 spelarar i alderen 14 - 17 år var med og bidrog til at Njardar/Tysnes stillte i Dana Cup. Laga vart innlosjert i leiligheter i Blokhus med kostnad kr 5350 pr spelar og me er svært takksame for den økonomiske støtta Tysnes Kraftlag bidrar med til at me kunne reisa. Begge lag speler 11ar fotball og gjorde det svært godt til å vera ein så liten breiddeklubb som me er. Jentene tok seg vidare til 8-dels finale i A-sluttspelet, medan gutane kom til kvartfinale i B-sluttspelet. I tillegg til det sportslege, er ein slik tur viktig for samhaldet blant ungdomane våre. Spelarane budde i eigne leiligheiter, der dei sjølve måtte ta ansvar for kvarandre, lage mat, handle inn mat, fordele utgifter og halde orden. Dette gav eit enno betre samhald og denne sosiale delen er god identitetsskaping for dei unge tysnesingane.  Klubben vonar og har tru på at denne veka i Danmark har gitt dei eit minne for livet, slik at når fleire snart skal flytte på seg for utdanning og jobb, vil hugse opplevinga som Njardar/Tysnes har gitt dei og at dei i framtida har lyst å flytte tilbake til Tysnes. I tillegg til spelarar og leiarar, var det mange tilreisande tysnesingar som hadde tatt turen til Dana Cup for å heia. Om lag 80 tysnesingar var på det meste samla på cupen.

Njardar/Tysnes - Øystese-cup

By Torstein Fjeldet Lunde • February 8, 2025
Hei, her kjem ei lita oppdatering frå Øystese cup. Me var totalt 38 spelarar og 9 vaksne som reiste innover helga 7.- 9. juni. Dette er ein flott overnattings-cup å reisa på for unge spelarar. Den er ikkje så stor, og alt ligg tilrettelagt i Øystese sentrum. Kort veg til banar og andre aktivitetar. Veldig god stemning både på og utanfor banen. Laga heia på kvarandre under kampane. Det var og mange som fekk seg nye bekjentskap frå andre lag. Alt i alt ei topp helg!

Skihyttelaget Ådnastegen - Materiell og kost til dugnad på Ådnastegen

By Celine Lunde Rød • February 4, 2025
15-17.mars 2024 hadde Skihyttelagetdugnad for å opna landskapet og rydda i skog som var til fare for bydningar på Ådnastegen. På 60-talet vart det planta rikelig med gran som skulle halda støle med ved, dette var no vokst seg stort og enkelte granar var til fare for dyr og folk som ferdast i området. Denne helga samla me ca 15 stk til dugnad, og det vart det hogge mange granar, kløyvd store mengder ved, som vart lagt i småsekker. Me fekk brent ein del greiner, som gjorde til at me fekk opna landskapet opp. Noko av granen vart nytta til å laga sitjegrupper i terrenget, desse kom godt med under familiedagar me har arrangert ila året. Me har hatt det riktig så triveleg tross lange arbeidsdagar. Prosjeket pågjekk utover sommaren. Tusen takk for støtta.

Onarheim Idrettslag - Innkjøp av grus til veg fram til skiløype

By Stein Olav Skaten • February 4, 2025
Idrettslaget grusa opp veien inn til lysløypa for å kunne lage skiløyper med mindre mengder snø. 3 lass er levert ferdig utkjørt på veien, 2 lass er lagt på ei lomme langs veien til etterfylling der det vert behov

Opdal Ungdomslag - Transportabelt lydanlegg i Grendatun

By Henrik Aakre • January 28, 2025
No har OUL fått i hus lydanlegget. Det består av ein Soundbox4 som har batteritid på ca 40 timer på middels styrke og kan slik nyttast utan tilgang på straum. Soundbox4 kan strøyme musikk eller lyd frå PC / telefon med god kvalitet med hjelp av blåtannteknologi. Dekker lagets behov i toget ved 17-maifeiringa og andre utandørs arrangement. Det har også ein funksjon innandørs ved møter og konferansar. Her er Sondbox4 kopla opp med mikrofon til ein talarstol
Les meir
Share by: